Tempotimor (Covalima)-Relasiona dezenvolvimentu ba Aeroportu Kayrala Xanana Gusmão iha tinan kotuk ne’ebé afeta ba semitériu refere, maka ohin Ministru Petróleu no Minerais (MPM), Victor da Coceição Soares inagura ona semitériu foun ne’ebé haloot fali metebian sira.
Tuir Ministru Victor, bainhira la halo uma di’ak ba matebian sira mak sei hetan babeur husi matebian sira.
“Ohin ita inagura semitériu no ita konsidera ita prepra matebian sira-nia uma ho fatin ne’ebé seguru, se ita la halo hanesan ne’e sira sei babeur ita hasoru buat oioin, maibé ita prepara fatin no respeita sira, maka sei la halo ita terus,” dehan Ministru Victor liuhusi nia diskursu hafoin inagura semitériu Holbelis, Kinta (23/09).
Governante ne’e mós apresia komunidade Covalima, tanba oferese ona fatin hodi halo dezenvolvimentu iha Covalima.
“Há’u apresia tebes ba komunidade Suai tanba iha intrese duni hodi halo dezemvolvimentu iha nia rai no oferese fatin hanesan Aeroportu no Auto Estrada, se momentu ne’e komunidaade lakohi karik, Suai la sai nabilan hanesan ohin loron, tanba ne’e mak hau apresia tebes ba komunidade no kompañia ne’ebé kaer obra ne’e,” katak Nia.
Iha fatin hanesan diretór kompañia Jóia Camanasa Cont.Lda, Carlos de Araújo Modeizos katak konstrusaun ba semitériu Holbelis hahú 13 de jullu 2020 no remata iha tinan abril 2021.
“Konstrusaun ne’e hahú husi loron 3 fulan Jullu 2020 no remata iha fulan abril 2021, halo rate hamutuk 310 iha ne’e, ne’ebé ohin señor ministru mai halo inagurasaun semitériu no totól orsamentu ba rate ne’e ami gasta rihun $ 95.170.6,” Nia dehan.
Entretantu, partisipa iha inagurasaun semitériu ne’e mak Ministru Petróleu no Minsterais inklui instutuisaun sira ne’ebé tuteladu hanesan Timor GAP hamutuk ho autoriedade lokál no komuniadde aldeia Holbelis, suku Labarai, postu Suai. Alende ne’e semitériu ne’e hetan bensaun husi Amo Vigáriu Avê Maria Suai, Pe. Juvito Mendonça.(*)
