Tempotimor (Covalima)-Vise-Ministru Edukasaun Juventude no Desportu (MEJD), António Guterres apresia ba dezenvolvimentu iha Eskola Sekundária Jerál Públika (ESJP) Suai tanba dezenvolvimentu ne’e kontribui direta husi Komunidade sira.
“Lori ministru edukasaun nia naran hakarak fó parabens ba eskola ida ne’e, tanba iha vontade boot ho voluntáriu kontribui ba dezenvolvimentu iha eskola ne’e, ida ne’e valór ida ne’ebé boot hodi kontribui ba dezenvolvimentu edukasaun,” dehan Vise-MEJD António ba jornalista sira iha Suai, Kuarta (06/10).
Governante ne’e husu ba profesór sira hotu atu servisu interligadu hodi nune’e edukasaun bele forti liután iha futuru.
“Husu ba profesór sira hotu atu servisu hamutuk ho komunidade sira ka interligadu atu nune’e bele haforsa edukasaun iha baze no ba futuei,” katak Nia.
Iha fatin hanesan diretór ESJP Suai, Francelino Freitas Carvalho esplika katak, kontribuisaun ba dezenvolve eskola refere mai husi komunidade sira.
“Durante ha’u-nia mandatu ami halo reabilitasaun ba turma rua, ida ne’e kontribuisaun mai husi inan-aman, konstrui rede haleu eskola, armáriu, meza, ekipamentu múzika, hadi’a kadeira sira, komputador 30, depois ami preve osan ne’ebé mai husi inan-aman hamutuk $2.500 dolar hodi sosa ekipamentus informátika hodi instala iha sala-de-aula IT ida ne’e no seluk tan,” nia dehan.(*)
