Tempotimor (Covalima)-Vasina astraZeneca sei xpire iha loron 21 fulan-outubru tinan 2021, tanba ne’e Diretór Servisu Saúde Munisípiu Covalima, Filipe Perreira Lemos obriga komunidade sira tenke simu lalais vasina.
“Iha vasina astrazaneca ida fali iha loron 9 outobru ne’e nia expire ona no vasina astrazeneca mós sei expire iha loron 21 de outobru (tinan 2021) ne’ebé molok expire ita fó ona ba komunidade sira, nune’e labele hetan estragus, tanba iha armagen Munisípiu Covalima hamutuk ho Sentru Saúde sira hotu sei iha Stok vasina sei 760 mak ita sei iha dadaun,”dehan Filipe kna’ar fatin, kinta (14/10).
Nune’e husu ba abitante sira iha Munisípiu Covalima tenke simu vasina hodi bele la’o livre.
“Husu ba abitante sira iha Covalima tenke simu vasina no hakbesik-an ba Sentru Saúde sira no mós agora ita nia seguransa polísia nasionál no professionál saúde sira destaka iha estrada no fatin públiku hodi fo vasina ba komunidade sira,”haktenik nia.
Entertantu tuir observasaun www.tempotimor.com nian iha terrenu nota katak, professionál saúde sira kada loron hein hela komunidade iha Estrada públiku hodi fó vasina. (*)
