Tempotimor (Covalima)-Inimigu invizível ne’ebé durante tinan rua afeta Timor-Leste mak vise Ministru Edukasaun Juventude no Desportu (MEJD), António Guterres apresia ba Polísia Nasionál Timor-Leste (PNTL) Munisípiu Covalima, tanba apoiu maka’as Servisu Saúde Munisípiu Covalima (SSMC) liu-liu halo chek-point iha estrada publiku.
“Ha’u agradese tebes ba PNTL Munisípiu Covalima nia servisu, tanba apoiu servisu saude sira iha estrada públiku hodi salva komunidade no halo prevensaun husi moras Covid-19, ne’ebe di’ak tebes, tanba ha’u haree lor-loron, iha dadersan de’it polísia sira hamrik ona iha estrada públiku hodi halo chek-point,” Hateten Vise MEJD iha Aldeia Fatukoan suku Holpilat, Kinta (21/10).
Governante ne’e mós elozia povu Covalima, tanba iha konsiénsia boot hodi koopera ho parte saúde ho autoridade lokál no autoriedade seguransa hodi hasa’e pursentu vasinasaun.
“Povu Covalima iha konsiénsia boot tebes, tanba ohin loron ita iha pursentu vasinasaun sa’e iha Timor-Leste no Covalima liu munisípiu hotu-hotu, tanba imi koopera ho imi-nia autoridade lokál sira, PNTL nomós servisu saúde di’ak tebes “luar biasa,” katak Nia.(*)
