Tempotimor (Covalima)-Loron 12 Novembru ne’ebé sai nu’udar loron nasionál ba juventude Timor-Leste mak, Centro Juventude Covalima (CJC), hahú halo preparasaun hodi comemora loron importante ne’e ba dala-30.
Tuir prezidente Komisaun Organizadora (KO) Centru Juventude Covalima (CJC), Agostinha Lopes hateten, komemorasaun loron 12 novembru, husi Centru Juventude Covalima prepara ona hodi selebra loron istória ne’e.
“CJC sei komemora loron Masakre Santa kruz 12 de novembru ne’ebé ohin sai ona loron nasionál ba juventude, maka juventude Covalima sei comemora ba dala-30 ho tema “Juventude sai autór importante ba protejé Timor-Leste husi Covid-19” entaun atu relembra loron istória ne’e, atu hafanun juventude no komunidade sira kona-ba akontesimentu 12 novembru 1999,” Hateten Prezidente KO, Agustinha ba www.tempotimor.com iha nia knaar fatin, Sesta (05/11).
Iha ámbitu komemorasun ba loron nasionál juventude ne’e, CJC hamutuk ho juventude hotu iha Covalima sei comemora durante loron haat nia laran.
“Dia 9 halo kampaña vasinasaun iha postu Administrativu Zumalai, depois kontinua semináriu ho tema jeral “Ho esprítu As’wain 12 de novembru nian nomós juventude sai autór importante ba proteje Timor-Leste husi Covid-19” iha ne’ebé joven sira lao ho obor no kalan halo reflexaun, missa no tau aifunan iha semitériu Masakre Setembru Negro Suai,” Nia esplika.
Entertantu total orsamentu ba atividades refere hamutuk rihun $3,500 no hetan apoiu husi Sekretáriadu Estadu Juventude no Desportu (SEJD).(*)
