EKSES COVID20: Aitahan Matak Hamonu Dignidade Covalimaoan

Veteranu Antonio Aitahan Matan

Tempotimor (Díli)-Portavoz Ekipa Servisu Covalima Vitória ho Domin (EKSES-COVID20), RosÁrio Doloroso Ximenes, lamenta ho deklarasaun António Aitahan Matak nian, tanba hamonu dignidade Covalima Oan.

“Ami Covalima oan lamenta ho señor António Aitahan Matak nia deklarasaun iha públiku ne’e jestaun dignidade povu Covalima nian,” Dehan Rosário liuhusi konferénsia imprensa iha Sede RENETIL, Sesta (05/11).

Read More

EKSES COVID20 mós husu ba parte igreja Katólika iha Timor-Leste no Ministériu Saúde (MS) atu justifika kauza mortu ba públiku husi saudozu Amu Bispu Dioseze Baukau Dom Basílio do Nascimento no eis Prezidente Parlamentu Nasionál, Fernando Lasama de Araújo atu solusiona situasaun entre Povu Covalima ho deklarasaun António Aitahan Matak nian.

“Ami mós husu ba Ministériu Saúde atu fó sai rezultadu médiku husi saudozu Sr. Fernando Lasama de Araújo no Amu Bispu Dom Basilio do Nascimento nian,” nia solusiona.

Entretantu deklarasaun ne’ebé veteranu António Aitahan Matak espekula iha públiku liuhusi nia user facebook mak desconfia dun ba povu Covalima kona-ba liderança nasaun na’in rua ne’ebé mate hafoin vizita Covalima.

“Ema tomak buka akar ka abut ba Suai? Ema Sarani Dúvidas, tanba sa saudozu Fernando Lasama eis Prezidente Parlamentu Nasionál la moras, ba Suai lori fali nian mate mai ospital Dili?? Agora Amu Bispu Dom Basílio la moras ba Suai lori fali nian mate mai ospital Dili?? Duvidas husi ami povu no sarani iha virus pakit ida iha ne’ebá karik??,” dehan Aitahan Matak liuhusi facebook iha loron 30 de outubro 2021.

Nia mós dehan, “Ulun estdu no igreija atensaun, matan mos neon nain, labele han arbiru husi estadu nian lideres ka igreja nian ulun sira hotu,fo hanoin di’ak ba lideres sira hothotu,”.

Matan mos no neon nain, nu’udar funu nain fó atensaun eh hanoin di’ak ba nai ulun estadu no igrija nian.

“Ita hotu buka nian fukun loloos, labele haki’ak ema aat iha nasaun soberanu nian laran. Inimigu boot lori Virus Pekeit oho ulun sira iha ita nian leet. Ema ida halo aimoruk ba Bispu sei tuir hotu ba hatá, di’ak liu fó laran ba malu, neon mos só Maromak bele bolu, tuir moras ne’ebé ita iha, hamutuk la’o ba oin ho laran mos,”.

Aitahan Matak mós husu Se ema mak halo aimoruk ba Amu Bispu karik?? sei hatán iha Maromak nian oin.

“Amu Bispu Dom Basílio do Nascimento hein ita boot iha Maromak oin, ita hotu sei tuir hotu ba, úniko dalan ita hotu sei tuir, Amu Bispu no Lasama hein ema ne’ebé halo mate ulun na’in rua ba Justisa Maromak nian, kondena ba ema at….Adeus Bispu.(*)

Related posts