Tempotimor (Covalima)-Diretór Diresaun Transporte no Terrestre (DTT) Covalima, Joaquim Gusmão katak, semana oin motorista hamutuk rihun 1.878 sei tuir teste prátika iha kampu eskola referensia atu hetan karta kondusaun.
“Semana oin loron 8-17 fulan ne’e motorista sira hamutuk 1.878 hahú ona teste prátika hodi hetan karta kondusaun tanba ami fó sai ona avizu durante semana ida,” katak Diretór DTT Covalima ba jornalista sira iha nia servisu fatin Santarosa, Sesta (05/11).
Motorista sira ne’ebé passa ona ezame eskrita ne’ebé semana oinsa sei tuir teste pátika ne’e, hetan asisénsia direta husi Diresaun Nasionál Transporte Terrestre (DNTT) husi nasionál.
“Ekipa husi nasionál maka sei fó teste prátika ba motorista sira ne’ebé pasa iha ezame eskrita kontinua teste prátika tama roda atu hetan karta kondusaun, ne’ebé kada loron ida motorista atus lima (500) maka sei tama roda,” Nia tenik.
Entertantu Diresaun Transportes Trestre (DTT) Covalima rejista motorista rihun 1.878 sei tuir teste prática no selu ona taxa iha Banku Nasional Komérsiu Timor-Leste (BNCTL) ho totál orsamentu rihun $26.370.(*)
