Mane Mesak Husu KMKLN Atu Rekonese Juventude nia Luta

Tempotimor (Kovalima)-Komemora loron nasionál ba dala 16 no Masakre Santa Kruz ba dala 30, mak João Freitas “Mane Mesak” husu ba Konsellu Munisipál Kombantentes Libertasaun Nasionál (KMKLN) no Prezidente veteranus atu haree ba kestaun ne’e, tanba uluk luta la haree ba idade.

“Idade ki’ik ne’ebé agora dadaun pendente hela, bele pendente hela ba, ba sira ne’ebé idade ki’ik partispa ona iha funu klandestina ne’e, maibé husu ba Prezidente Konsellu Veteranus Munispál no nasionál atu ko’alia sira nia luta, tanba iha tempu ne’ebá ne’e ami bolu sira hamutuk ho ami ne’e la haree sira-nia tinan ki’ik, tanba ne’e ha’u intrega ba prezidente konsellu sira-nia liman hodi hato’o ba nível nasionál, tanba joven barak mak partsipa iha funu klandestina,” dehan Mane Mesak ba www.tempotimor.com iha Suai, Sesta (12/11).

Read More

Presiza valoriza joven ne’ebé luta ba ukun rasik aan, tanba iha tempu ne’ebá sira ne’ebé idade kiik mak militar Indonézia nian susar deteta.

“Momentu ne’ebá sira ne’ebé tinan ki’ik ne’e difísil tebes, husi Militar Indonézia atu detekta sira, bainhira ita haruka ba fatin ne’ebé de’it, ba ai laran no ba ne’ebé de’it ami haruka mak sira, tanba ita haruka idade boot sira ne’e, husi Bapa sira nota lalais, bainhira la’o ba fatin ruma, ne’ebé tenke valoriza sira-nia luta,” nia tenik.

Kestaun ne’e Prezidente Konsellu veteranus munisípiu Kovalima, Fransisco Doutel Sarmento (La mesak) promete sei hato’o ba nasionál hodi rekonese joven sira-nia luta.

“Ita-nia lei mak seidauk loos, maibé ida ne’e ami sei ko’alia ho ita-nia prezidente Veteranus Nasionál hodi responde ba joven sira ne’ebé partisipa iha funu no ita sei sertifika sira la’ós la rekonese sira-nia luta lae, sei prosesu,” Fransisco hakotu.(*)

Related posts