Aban, Kovalima Realiza Feira ba Komemorasaun 28 Novembru ba Dala-46

Tempotimor (Kovalima)-Komemorasaun Proklamasaun Independénsia Timor-Leste Unilateralmente ba dala 46, maka Komisaun Organizadora ba serimónia ne’e katak, hahú aban (20/11/2021) kalan hahú loke feira no bazar kalan iha resintu kampu Ladi durante loron ualu.

Xefe seksaun feira no bazar kalan, Damião Amaral husu komunidade sira atu partisipa feira ne’e, tanba parte ida husi komemorasaun 28 novembru 1975 ba dala 46.

Read More

“Ita hanesan jerasaun ne’ebé tama ona era independénsia, nune’e komemora loron istória ne’e ho atividades oioin hodi festeza ita-nia loron espesialál Ida ne’e, tamba ne’e komisaun organizadora kria seksaun ida hodi haree ba feira no bazar kalan durante kalan ualu,” dehan xefe seksaun Feira no Bazar Kalan, Damião ba jornalista sira iha kampu Ladi, Sesta (19/11).

Dadaun ne’e ekipa rezista ona hodi partisipa iha feira ne’e na’in 20-resin no agora komisaun preparadu ona ba sira nia fatin no sei iha kompetisaun dansa kultura no seluk tan.

“Atividade feira no bazar kalan ne’e ami rejista ona partisipantes kuaze 30 no komisaun organizadora prepara ona sira-nia fatin, depois aban lokraik sei abertura ba feira no bazar kalan iha kampu Ladi,” Nia dehan.

Proklamasaun 28 novembru ba dala-46 ne’ebé sei realiza iha kampu Ladi ne’e komisaun sei realiza atividade hanesan jogu tradisional, kurida kavallu ka halai tau ho kuda, nomós seksaun balu haree ba divertimentu tradisional hanesan dansa kulturál, promosaun ba produtu lokál no seluk tan.(*)

Related posts