Tempotimor (Kovalima)-Kuarta-feira (01/12) ohin Ministériu Administrasaun Estatál (MAE) liuhusi diresaun Programa Dezenvolvimentu Integradu Munisipál (PDIM) iha programa rezimentu integradu Munisipál fasilita formasaun kona-ba rejime jurídiku aproviziomentu ba autoridade sira iha munisípiu Kovalima.
Tuir asesor PDIM, Ministériu Administrasaun Estatál, Jacob da Cruz G. Leite katak, formasaun ne’e hala’o durante loron rua ba autoridade sira iha munisípiu Kovalima.
“Formasaun ida ne’e kona-ba rejime jurúdiku aprovizionamentu PDIM nian, entaun na’in ba programa ne’e mak munisípiu sira, tamba ne’e bainhira implementa sira hatene rejimentu ne’eber iha ligasaun ho dekretu lei númeru 15/2016 ne’ebé ko’alia kona-ba rejimentu PDIM ne’e,” dehan Jacob ba www.tempotimir.com, Kuarta (01/12).
Nia subliña, obserbasaun www.tempotimor.com kata, iha lina koordenasaun ne’e di’ak entaun munisípiu implementa projeitu PDIM bazeia ba matadalan bainhira hasoru difikuldade sira iha baze, Kuarta (01/12).
Iha fatin hanesan reprezentante administradór munisípiu Kovalima, Afonso Nogueira Nahak, hatutan, formasaun prefere kona-ba matadalan PDIM ne’ebé prosesu iha munisípiu.
“Ohin no aban ita tuir formasaun kona-ba matadalan PDIM nian ne’ebé agora prosesu iha munisípiu tenki la’o tuir regra MAE ne’ebé ohin loron ekipa fahe ona informasaun,” katak Afonso.(*)
