Rihun U$4.078 ba Jogu iha Fatululik, Jorgadór Marito: “Ami Hola Rasik Hahan”

Jogador Marito Amaral ko'alia hela ho jornalista sira kona-ba jogu ne'ebe'e hala'o iha Fatululik. Kinta (02/12) Foto Tempo Timor

Tempotimor (Kovalima)-Relasiona ho jogu amizade ba komemorasaun loron 28 Novembru ba dala-46 iha postu administrativu Fatululik mak, Sekretáriu Estadu Juventude no Desportu (SEJD) apoiu orsamentu hamutuk rihun $4.078.00 jogadór sira uza osan privadu hodi hola han durante jogu amizade la’o.

Jogadór Marito Amaral husi aldeia Fatuloro, suku Taroman sente triste ho Komisaun Organizadora tanba preparasaun ba jodu refere ladun preparadu.

Read More

“Ami triste tebes ho Komisaun Organizadora sira iha postu Administrativu Fatululik, tanba ho orsamentu boot, maibé durante jogu ne’e fasilita de’it ami akua ki’ik ne’e kaixa ida to’o jogu ne’e remata, ami ko’alia hanesan ne’e ami husi aldeia mai iha ne’e dok tebes,” hateten Marito ba www.tempotimor.com, Kinta (02/12).

Iha sorin seluk reperezentante Juventude suku Taroman, Orlando da Cruz katak, maske orsamentu ba jogu refere montante boot, maibé komisaun organizadora ba jogu ne’e kria de’it jogu desportu ho modalidade voliboll no futebool.

“Orsamentu ne’e ami rona katak apoiu mai postu administrativu Fatululik ba jogu despostu ne’e ho montante rihun $4.078.00, maibé sira husi komisaun kria de’it ho modalidade jogu desportu hanesan tebe-bola no Voliboll, orsamentu seluk ne’e ba ne’ebé?,” Nia husu.

Hatán ba kestaun ne’e Administradór postu Fatululik, Elias da Cruz katak, orsamnetu ba jogu ne’e finansas mak jere.

“Kona-ba orsamentu ba atividade desportu ne’e finansan mak kaer osan ne’ebé apoiu husi SEJD hamutuk rihun $4.078.00 hodi kria jogu rua hanesan tebe bola no voli bola, ne’ebé ba sira ne’ebé hetan primeiru lugar hetan $350.00, ba voliboll mós hanesan, osan sira seluk uza hodi prepara ba atividade kona-ba desportu ne’e, maibé osan ne’e nia fíziku seidauk mai, durante ne’e uza osan postu nian mak hodi realiza atividades ne’e,” katak Administradór.(*)

Related posts