MTK–GTJN Realiza Semináriu Kona-ba Direitu EhD no Teknolójia Saudavél

Tempotimor (Kovalima)-Ministériu Transporte no Komunikasaun (MTK)hamutuk ho Grupu Traballu Jéneru Nasionál (GTJN) hahú partilla dezemvolvimentu polítika implementasaun jéneru iha área transporte públiku ho seguru ba mudansa inkluzivu.

Reprezemtante Ministru Transporte no Komunikasaun (MTK), Gaspar de Araújo katak, objetivu husi semináriu ne’e atu kapasita feto rurais sira iha área Teknolójia Informasaun no Komunikasaun (TIC) no kapasita Ema ho Difisiénsia (EhD) sira atu asesu fasilidade transporte ho seguru.

Read More

“Ohin realiza semináriu ba autoridade ema ho difisiénsia no estudante sira ho objetivu atu kapasita feto rurais sira iha área TIC no kapasita ema ho difisiénsia sira atu asesu fasilidade transporte ho seguru, ho ida ne’e husi MTK prepara modul hodi fó formasaun ba joven, estudante no ema difisiénsia sira atu nune’e sira bele iha koñesimentu naton, nune’e sira bele movimenta iha tranposrte públiku ho seguru,” dehan Gaspar ba jornalista sira iha Suai, Segunda (06/12).

Gaspar promete MTK sei promove feto sira iha área rurais no oinsa kapasita ina-feton sira hodi asesu merkadoria ho teknolójia.

“Iha knaar rua mak hanesan informsaun komunikasaun teknolójia oinsa ita kapasita inan-feton sira iha área rurais bele asesu merkadoria ho meius teknolójia, tamba ne’e MTK mós halo ona formasaun teknolójia ba inan-feton sira, nune’e bele fa’an produtu liuhusi média sosiál no oinsa inan-feton sira atu utiliza ka fó formasaun ba ema ho difisiénsia sira kona-ba asesu transporte ho seguru,” Nia esplika.

Reprezentante Ministru ne’e kontinua garante katak, ba oin Ministériu Transporte no Komunikasaun (MTK) no Grupu Traballu Jéneru Nasionál (GTJN) nafatin fó formasaun ba inan-feton sira kona-ba teknolójia nomós ema ho difisiénsia sira, tanba durante ne’e komunidade ne’ebé iha área rurais difisíl asesu merkadoria modernu inklui ema ho difisiénsia atu asesu transporte públiku ho di’ak.(*)

Related posts