Rotarry Clube Covalima Kontinua Apoiu Familia Vulnerável

Fasilitadór Rotarry Clube Covalima Jonianus Amaral Leite entrega hela sasan ba labarik ida iha nia uma. Segunda (24/01). Foto Suplay

Tempotimor (Covalima)-Maske pandemia COVID-19 hotu ona, maibé espíritu Rotarry Cule Covalima kontinua eziste hodi apoiu nafatin familia vulnerável sira iha Covalima.

Tuir fasilitadór Jonianus Amaral Leite katak, Rotarry Clube Covalima kontinua apoiu ba família vulnerável sira iha área rurais tanba presiza kontibui ba hamenus númeu má-nutrisaun iha Timor-Leste liliu iha Covalima.

Read More

“Total benefisiáriu ka labarik sira ne’ebé simu sasan ne’e hamutuk 26 kompostu hosi aldeia haat, aldeia Haliema Bitis, Kota-foun, Tula-eduk no Sukou Lalawa. Enkuantu sasan ne’ebé ita apoiu mós roupa bebe nian, ne’ebé bebe foin moris to’o tinan ida,” dehan membru fasilitaóor Jonianus ba www.tempotimor.com liuhusi via telefone, Segunda (24/01).

Nia informa, apoiu ne’e la’ós hotu iha ne’e, maibé semana oin sei kontinua apoiu ba komunidade ne’ebé dadaus iha ona suku Ogues, postu Maucatar.

“Atividade distribuisaun ne’e sei kontinua iha semana oin iha suku Ogues, no suku Suai-loro. Inklui sasan hirak ne’e ami hetan apoiu husi Rotarry club of Austrália ne’ebé servisu hamutuk ho Rotarry club off Díli Lafaek no Rotarry club of Díli Lafaek serbisu hamutuk ho Rotarry Club of Covalima, hodi bele fó apoiu umanitária ba sidadun hirak ne’ebé vulnerável no fó apoiu ba bebé sira ne’ebé foin moris,” nia dehan.

Entretantu sasan sira ne’ebé husi Rotarry Clube Covalima apoiu ba familia vulnerável iha suku Lalawa ne’e kompostu husi nesesidade báziku sira ne’ebé loron-loron nian.(*)

Related posts