Tempotimor (Covalima)-Universidade da Paz (UNPAZ) selebra Dies Natalis ba dala 18 iha Covalima hodi fó orientasaun akadémiku ba estudante foun tinan 2022 hamutuk na’in 75.
Iha seremónia ne’e Reitór UNPAZ, Adolmando Soares Amaral katak, komemorasaun tinan UNPAZ nian ne’e parte ida mós fó orientasaun ba estudante foun na’in 75 iha UNPAZ Covalima ba anu letivu 2022.
“Aniversáriu UNPAZ ba dala 18 no tuir kalendariu akadémiku ne’ebé fó orientasaun ba estudante foun husi fakuldade neen iha munisípiu Covalima,” Nia hateten.
Iha biban hanesan reprezentante Administradór Covalima, Costantino Gusmão agradese ba prezensa UNPAZ nian iha Covalima, tanba fatór improtante ba determinasaun desenvolvimentu rai ida nian inklui Covalima.
“Ha’u agradese tebes ho prezensa Universidade da Paz, ne’e fatór importante ida ba dezenvolvimentu iha munisípiu ida ne’e, tamba ne’e husu komunidade Covalima,” Nia informa.
Entertantu kandidatura estudante hirak ne’e husi Fakuldade Direitu hamutuk na’in 32, Fakuldade Saúde Públiku na’in 18, Fakuldade Ekonómia 19, Fakuldade Tékniku Enjeñaria na’in neen, nune’e estudante foun hamutuk na’in 75.(*)
