Autoriedade Covalima Apoiu Nesesidade Báziku ba Vítima Inundasaun Iha Beco

Administradór Munisípiu Covalima Francisco de Andrade distribui hela hahan bázika ba komunidade afetadu husi inundasaun iha suku Suailoro. Segunda (5/4). Foto Tempo Timor
Administradór Munisípiu Covalima Francisco de Andrade distribui hela hahan bázika ba komunidade afetadu husi inundasaun iha suku Suailoro. Segunda (5/4). Foto Tempo Timor

Tempotimor (Covalima)-Liga ba udan boot iha semana kotuk ne’ebé hamosu inundasaun hodi afeta maka’as ba komunidade husi kapitál Timor-Leste to’o munisípiu sira, maka ohin Servisu Protesuan Sivíl (SPS) hamutuk ho Cruz Vermelha Timor-Leste (CVTL) servisu hamutuk ho autoriedade Munisípiu Covalima nian hodi diatribui aihan báziku ba vítima inundasaun nian hamutuk uma-ka’in 42.

Iha apoiu emerjénsia ba vítima sira ne’e, Administradór Munisípiu Covalima Fransisco de Andrade agradese tanba iha covalima, laiha ema ruma mak lakon vida, maske husi dezastre sasan barak mak hetan estragus.

Read More

“Ita hotu tenke agrdese, tanba iha Covalima laiha ema ruma mak mate ba inundasaun ka bee sa’e durante udan boot iha munisipiu Covalima. Entaun husu ita sira tenke atensaun sériu wainhira tempu udan boot,” dehan Administradór Francisco ba jornalista www.tempotimor.com iha Beco, Kuarta (7/4).

Iha fatin ketak, Komandante PNTL Covalima, Superentente Polísia António de Sá apelu ba populasaun atu katak, tenke dook husi área risku liu-liu labele hela besik iha mota ninin.

“Husu imi nia kompresaun tenke dok husi fatin ne’ebé fó risku ka amesa ba ita-nia vida, tenke atensaun bainhira udan boot,” katak nia.

Iha tempo hanesan xefe suku Beco agradese ba apoiu refere, tanba bele haman ona vitima sira nia sofrementu hafoin hasoru inundasaun iha semana kotuk.

” Agradese tebes ba ita-nia nai autoridade munisípiu Covalima sira ne’ebé servisu hamutuk hodi ajuda komunidade sira ne’ebé afeita ba inundasaun. Entaun ha’u kontenti tebes tanba tempu hanesan, sira bele ajuda ba komunidade sira,” informa Nia.

Entertantu apoiu ne’ebé autoriedade munisípiu Covalima diatribui ba vitima inundasaun hamutuk uma-ka’in 42 ne’e oferese husi Servisu Protesaun Sivíl no Cruz Vermelha Timor-Leste mak hanesan for, supermi, mina, sardina, bikan, kanuru, sana, lona no seluk tan.(*)

Related posts