Tempotimor (Covalima)-Relasiona ho udan ne’ebé hahú husi novembro 2021 to’o agora ne’ebé seidauk para, mak Servisu Dezastre Naturais Munisípiu Covalima (SDNMC) bolu atensaun ba komunidade sira ne’ebé hela iha área ne’ebé fasil mosu dezastre naturais.
“Ohin ita fahe informasaun ba komunidade sira atu hasa’e komunidade sira-nia konsiénsia hodi prepra aan, tanba ita hotu hatene katak udan hahú fulan novembru 2021 to’o agora, tanba ne’e ita fahe informasaun ba komunidade sira hodi prepra aíhan prepara siraania sasan, bainhira lanina ne’e maka’as karik komunidaade prepradu prontu evakua ba fatin sira ne’ebé seguru,” dehan Diretór SDNMC, Quintino Amaral iha Suai, Kinta (20/01).
Diretor ne’e afirma, divulgasaun informasaun ba komunidade liga ho lanina ne’e hahú husi postu Tilomar to’o postu Zumalai.
Iha sorin Administradór munisípiu Covalima (AMC), Francisco de Andrade mós halo ona lansamentu ne’e ekipa voluntáriu sevisu desastre naturais hodi prepara ba lanina ne’ebé atu akontese.
“Ita halo lansamentu ne’e signifika ita-nia ekipa voluntáriu sira hanesan CVTL, Bombeirus, Saúde, Protesaun Sivíl no Segunransa Sivil sira fó hanoin fila fali ba komunidade sira, antes akontese ita fahe ona informasaun ba komunidade sira, se lae akontese hanesan iha tinan kotuk, tanba ne’e mak ekipa voluntarizmu sira fahe informasaun ba komunidade sira ne’ebé mak hela iha fatin risku,” dehan AMC.(*)
