Tempotimor (Covalima)-Grupo Moris Hamutuk Dezemvolve ba Futuru (MHDF) harii ho objetivu atu dezemvolve iha seitór agrikultura hodi kuda ka haki’ak maek no ai-horis sira.
Tuir xefe grupu MHDF Lino de Jesus Alves hateten, ami organiza malu hodi harii grupu ida ne’e hodi lere to’os hektare sia ho objetivu prinsipál atu kuda maek no kuda ai-horis sira iha to’os laran.
“Iha Ami nia grupo ida ne’e, atu organiza malu 0ara lere to’os, prioridade primeiro ami atu kuda ma’ek, alende ida ne’e mós ami atu kuda aidila, ai-kakau, nomós ami sei iha planu seluk tan, depois ami mós kontaktu ona estensionista postu nian, husi Ministerio Agrikultur no Peskas (MAP) hodi ajuda fó teknik atu kuda,” katak Nia ba jornalista www.tempotimor.com, Tersa (27/4).
Nia afirma, grupu ne’e prepfere kuda maek, tanba dadaun ne’e maek folin di’ak ho ida komunidade iha suku refere hodi forma grupo ida hodi lere to’os hektare sia ba maek.
“Ita nia inan-aman to’os na’in sira hatene hotu dehan ma’ek ne’e iha ita nia nasaun Timor-Leste mós iha, maibé iha diferente ma’ek iha ita nia ailaran ne’e fuik mak barak liu, entau oinsa ami mos aprende liuhusi buat barak, entaun maek ida ne’ebé ho folin di’ak, ho ida ne’e mós ami prepara fatin ne’ebe ho rai hektar sia, ne’ebe ami atu kuda maek ne’e tamba ho folin ne’ebe mak di’ak, ho folin ida ne’e mos, bele dezenvolve ami nia nesesidade,” imforma Nia
Entenrtanto grupo moris hamutuk dezemvolve ba fururu kompostu husi na’in 15, iha aldeia Kulu-oan suku Tazhilin Posto Administrativo Zumalai Munispio Covalima.(*)
