Tempotimor (Covalima)-Hafoin tama tinan 2021, depois governu mós aplika serka sanitária iha munisípiu Covalima tanba Covid-19, maibé husi fulan-Janeiru to’o Marsu tinan 2021 Ospitál Refererál Suai (ORS) rejista bebe moris hamutuk 206 no na’in tolu mak fila ba mundu seluk.
Tuir Diretór Ospitál Referál Suai (ORS), José Moniz Perreira, durante governu aplika serka sanitária iha Covalima ema barak mak tauk halo asisténsia médiku iha ospitál referál, maibé inan isin rua kontinua mai hetan asisténsia médiku.
“Husi fulan janeiru to’o marsu ospitál referál suai rejistu bebe na’in 206. Husi númeru ne’e iha 44 mak tenke halo operasaun iha ospitál,” dehan José ba www.tempotimor.com iha nia knaar fatin, Kurta (5/5).
Diretór ne’e akresenta, husi númeru bebe ne’ebé moris, ORS mós halo asisténsia médiku ba inan isin rua hamutuk 295.
Entertantu liga ba situasaun Covid-19 ne’e, komunidade suai menus liu mak ba halo asisténsia médiku iha ORS tanba tauk ho Covid-19, maibé alende ne’e ORS mós rejista moras respiratóriu águda ka ISPA.(*)
