Tempotimor (Covalima)-Asosiasaun Rede Covalima (ARC) hahú diskute kona-ba direitu sidadaun sira ne’ebé ho kondisaun difisínsia atu bele propoin ba governu lokál hodi tau atensaun.
Tuir Quintino Amaral Barros, objetivu atu dezevolve ema ho defisiente sira, durante ne’e Asosiasaun Rede Covalima seidauk iha politika, tanba ne’e atu tau planu no dezenvolve polítika ba ema ho defisiénte sira hodi bele hetan imformasaun.
“Objetivu enkontru ho membru sosiedade sivíl sira atu dezenvolve polítika ba ema ho difisiénsia sira inklui atu hasa’e koñesimentu ba membru sosiedade sivil sira hodi divulga informasaun ba suku sira ne’ebé targeitu ona iha munisípiu Covalima,” dehan Quintino ba www.tempotimor.com, Segunda (24/5).
Nia afirma, polítika sira ne’e presiza tau ba planu kampaña 2022 nian, nune’e bele iha orsamentu ba ema ho difisiénsia sira iha munisípiu Covalima.
“Enkontru ne’e liga liu ba maluk defisiente sira iha suku, aldeia no postu sira hodi asesu informasaun no bele hetan orsamentu ne’ebé governu dadaun diskute hela orsamentu ba tinan 2022 nian, tanba ne’e Rede Covalima halibur membru sira hodi diskuti kona-ba orsamentu ba ema ho defisiente sira ne’e nesesáriu ka lae,” katak Nia.
Entertantu Rede Covalima ba tinan ne’e kontinua monitorizada ba mega projetu sira no kazu sira ne’ebé mak akontese hanesan rai. Entaun husi ida ne’e hodi halo advokasia iha munisípiu Covalima.(*)
