Tempotimor (Covalima)- Polísia Imigrasaun hamutuk ho Polísia Investigasaun Kriminál Munisípiu Covalima deporta sidadaun indonézia ida, tanba tama Timor-leste (TL) ho dalan ilegál.
Oficiais Pólisia Imigrasaun Timor-Leste Postu Integradu Salele Tilomar, Sérgio Gusmão, hatate, Alfons Bere, moris iha Lamaknen-Indonézia, loron 21 Fulan-marsu tinan 1996, tama liuhosi fronteira Baer, Postu Tilomar, Munisípiu Covalima iha loron 28 Fulan-maiu tinan 2021 ho ilegál.
“Nia tama iha area Baer, Postu Administrativu Tilomar iha loron 28 Fulan-maiu ne’e, nia husi Lakmaras besik fronteira Postu Fatululik nian, ne’ebe ohin ita haruka nia fila-fali hodi entrega didiak sidadaun indonézia ne’e,” dehan nia iha frontier Baer, kuarta (02/06).
Tuir observasaun jornalista www.tempotimor.com nota katak, serimónia deporta sidadaun refere hala’o iha Fronteira Postu Integradu Salele Tilomar.
Imigrasaun Timor-Leste entrega Alfons ba Autoridade indonézia nian, iha ne’ebé simu direta husi Imigrasaun no Tentará Nasional Indonésia (TNI). (*)
