RHTO Apoiu Fos ba Difisiénsia 304 Iha Covalima

Ekipa RHTO foto hamutuk ho komunidade difisiénsia sira hafoin fahe fos iha suku Kamanasa, Postu Administrativu Suai Vila. Kinta (17/06). Foto Suplay

Tempotimor (Covalima)-Liga ba situasaun estadu emerjénsia no serka sanitária, maka Raes Hadomi Timor Oan (RHTO) fo apoiu fos saka 223 ba komunidade difisiénsia na’in-304 iha Munisípiu Covalima.

Tuir staff RHTO, Rosito Amaral katak, fos sira ne’ebé distribui ona ba maluk difisiénsia sira ne’e hetan husi Ministériu Solidariedade Sosiál no Inkluzaun (MSSI) bazeia ba pedidu ne’ebé RHTO hato’o.

Read More

“Horseik ami komesa distribui ona fos ba maluk difisiénsia sira iha suku Labarai ho totál benifisáriu 11, ne’ebé transporte hetan apoiu husi Bombeiros munisípiu Covalima no ohin ami hamutuk ho staff Cruz Vermelha Timor-Leste (CVTL) Covalima, kontinua distribui fos ba maluk defisiénsia sira iha postu Suai Vila, Suku Camanasa, aldeia Sanfuk, Manikin no Ailok-laran ho totál benefisiáriu hamutuk 22,” hateten Rosito ba www.tempotimor.com liuhusi via telefone, Kinta (17/06).

Nia afirma, RHTO Munisípiu Covalima kontinua distribui fos ba maluk difisiénsia sira iha portu seluk hanesan Fohorem, Fatumea, Maucatar no FatuLulik.

Fontes ne’e subliña, “fos ne’ebé apoiu husi MSSI Covalima sei iha saka 190, ne’ebé ami sei kontinua dostribui ba postu lima iha Covalima ne’ebe seidauk hetan, tanba maluk difisiénsia sira na’in 114 mak hetan ona, maibé na’in 190 seidaik hetan,” katak Nia.

Entertantu dadus ne’ebé RHTO iha kona-ba maluk difisiénsia sira iha munisípiu Covalima hamutuk 304, ne’ebé pertense ba postu administrativu hitu iha Covalima, maibé iha maluk difisiénsia balun seidauk rejistu, tanba ne’e RHTO husu ba sosiedade sivíl sira atu atu apoiu RHTO ba rekolla dadus.(*)

Related posts