Tempotimor (Covalima)-Ministériu Soslidariedade Sosiál no Inkluzaun (MSSI) Segunda ne’e deside hasai ona idozu no inválidu na’in 70 nia direitu iha munisípiu Covalima, tanba idozu no inválidu sira ne’e fila ona ba mundu seluk iha tinan kotuk.
Tuir Diretór Servisu Solidariedade Sosiál e Inkluzaun (SSSI) Munisípiu Covalima, Agapito Axis katak, númeru idozus no invalidus iha munisípiu Covalima ne’ebé mate husi 2020 to’o Juñu 2021 nain 115 mate.
“Iha tinan kotuk idozus no invalidus na’in 70 mak mate ho nune’e sira sei la hetan subsídiu, maski nune’e tinan ne’e MSSI Covalima rejista tan benefisiáriu idozus no invalidus ne’ebé mate, entaun númeru mate sa’e ba 115,” katak Agapito ba www.tempotimor.com Segunda (28/06).
Entertantu servizu solidariedade sosiál no inkluzaun rejista totál benefisiáriu ba subsídiu iha Covalima hamutuk rihun 6.066 ne’ebé menus tiha na’in sanulu husi dadus tinan 2020 nian ne’ebé atine rihun 6.077.(*)
