Tempotimor (Covalima)- Administradór Munisiípiu Covalima, Francisco de Andrade fó apresiasaun Organizasaun la’ós Governu (ONG) Centro Comunidade Covalima (CCC), tanba durante ezisténsia ne’e, CCC hala’o knaar ho di’ak ba povu Covalima.
“Apresia, orgullu no agrades ba Centro Comunidade Covalima (CCC) nian, tanba durante ne’e aktividades la’o di’ak tebes iha munisípiu Covalima,” dehan Administradór ba www.tempotimor.com, Tersa (29/06).
Iha fatin hanesan diretór CCC, Alberto de Jesus Barros katak, enkontru jerál anuál ne’ebé NGO Centro Comunidade Covalima (CCC) hala’o bazeia ba artifu 14 iha alinea haat husi estatutu ne’ebé fó dalan ba estrutura atu halo enkontu jerál anual nian.
“Objetivu enkontru ne’e atu aprezenta relatóriu anuál husi fulan jullu 2019 to’o junu 2021 inklui planu estratéjiku ba tinan lima no (2020-2025) hodi hametin liután servisu ho parseiru no stake holder sira hotu iha munisípiu Covalima,” informa diretór ne’e.
Nia afirma, kada tinan CCC sempre aprezenta relatóriu aktividades anuál ba parseiru sira iha.
“Kada tinan ami sempre aprezenta hela de’it, ba parseiru sira iha munisípiu Covalima nomós aprezenta liuhusi online ba parseiru internasionál sira hanesan Friends of Suai no Port Philips,” Haktenik nia.(*)
