Tempotimor (Covalima)-Tuir Diretór Alfandega Munisípiu Covalima, Nuno Nogueira katak, husi fulan Fevereiru to’o Juni empreza lokal Madarlin halo ona atividade exportasaun kamí ba nasaun Indonézia hamutuk tonelada 236.
“Husi fulan Fevereiru to’o fulan Juñu 2021 empreza lokál Madarlin exporta ona kamí moos no kulit hamutuk saku rihun 5.500 ne’ebé iha toneladas 236 ba Indenézia ,” Hateten Diretór Alfandega Munisípiu Covalima Nuno ba www.tempotimor.com iha nia knaar farin, Kuarta (30/06).
Nia dehan, emprezáriu lokál Madarlin halo ativdade exportasaun kamí ne’e servisu hamutuk ho Alfandega no karantina iha fronteira postu integradu Tilomar- Salele.
“Ita-nia emprezáriu lokál ne’e hasai karta lisensa husi agrikultura Munsípiu Covalima atu exporta kamí no servisu hamutuk ho alfandega, karantina sira iha ne’e hodi exporta ba nasaun viziñu Indonézia husi fulan fevereiru to’o juñu hamutuk toneladas 236,” katak nia.
Fontes ne’e realsa, emprezáriu lokál Madarlin la hatama reseitas, maibé prienxe de’it kritéria hanesan hasai swab husi Ministériu Saúde (MS), depois hato’o karta pedidu exportasaun nian ba Alfándega, nuele labele tula sasan bandu hanesan Ai-Kameli no selu seluk,” tenik nia.
Alfándega munisípiu Covalima agradese ba emprezáriu lokál Madarlin ne’ebé durante ne’e halo ona exportasaun kamí ba rai liur, tanba Investe ona produtu ba rai liur.(*)
