Retira SIJK, Covalimaoan Livre Tama Dili

komandante PNTL munisípiu Covalima Superintendente António Maria de Sá. Foto Tempo Timor

Tempotimor (Covalima)-Liga ba Sala Situasaun Sentru Integradu Jestaun Krize (SIJK) Munisípiu Covalima ne’ebé autoriedade deside dezmantela ona, mak komunidade Covalima viajem ba Dili la presiza hetan guia de marxa.

Tuir komandante Polísia Nasionál Timor-Leste (PNTL) Munisípiu Covalima, Superintendente Polísia António Maria de Sá katak, komunidade Covalima hala’o viajen husi Covalima ba Dili livre.

Read More

“Ita-nia komunidade seidauk asesu informasaun entaun sira kontinua mai iha komandu ho sala situasaun atu trata guia de marsa, maibé agora ba Dili la presiza trata tan guia de marxa,” dehan Komandante António ba jornalista sira iha salaun administrasaun munisípiu Covalima, Ohin (02/07).

Komandante ne’e subliña, viajem husi Covalima ba Dili la presiza guia de marxa, maibé sai fali husi Dili obrigatóriu trata guia de marxa.

“Husi Covalima ba Dili la presija trata guia de marxa, Maibé husi Dili atu desloka fali mai munisípiu obrigatóriu, tenke iha rezultadu teste Swab no trata guia de marxa,” katak Nia.

Entertatu durante implementa serka sanitária iha munisípiu Covalima, Komandu PNTL hamutuk ho SIJK Covalima trata ona guia de marxa ba sidadaun sira hamutuk rihun 1.352 ne’ebé kompostu husi mane 1.094 no feto 254.(*)

Related posts