Tempotimor (Covalima)-Ohin Asosiasaun Redusaun Dezastre iha Timor-Leste (ARDTL) servisu hamutuk ho Hametin Lia Tatoli (HLT) apoiu Ai-han baziku ba familia kbi’it laek sira hamutuk uma-ka’in 15 iha suku Fohorem, Postu Administrativu Fohorem, Munisípiu Covalima.
“Apoiu ne’e ba uma-ka’in 15 ho totál benefisiáriu hamutuk 45 ne’ebé kompostu husi feto na’in 20 no mane na’in 25,” dehan Diretór HLT Cipriano Menezes ba www.tempotimor.com liuhusi via telefone, Sesta (16/07).
Iha fatin hanesan reprezentante benfisiáriu familia vunerével, Martinha Amaral agradese ba ARDTL no HLT ne’ebé fó apoiu ba sira.
“Ami kontenti no haksolok tebes ba sira-nia apoiu ne’e, maske oituan maibé iha valór boot ba ami-nain 15 ne’e,” hateten Martinha.
Entretantu sasan nessidade baziku ne’ebé ARDTL no HLT apoiu ba familia vulnerável sira mak hanesan fos, mina bimoli no sasan seluk tan.(*)