Rotaract Club Apoiu Fasilidade Saúde Ba SS Covalima

Prezidente Rotarect Club, Júlio Arlindo Guterres Perreira entrega fasilidade Saúde nian ba Diretor SSC, Filipe Perreira Lemos iha edifísiu Saúde Covalima. Sesta (16/07). Foto Tempo Timor

Tempotimor (Covalima)-Sesta-feira (16/07/2021) ne’e, ekipa voluntáriu Rotaract Club munisípiu Covalima apoiu fasilidade saúde nian ba Servísu Saúde Munisípiu Covalima.

Iha serimónia entrega fasilidade ne’e, prezidente Rotaract Club, Julio Arlindo Guterres Perreira katak, objektivu husi atividade hirak ne’e atu apoiu sentru saúde ne’ebé eziste iha munisípiu Covalima.

Read More

“Ohin ami fahe sasan hanesan lensol nomós manta óspital ninian ba servísu saúde Covalima hamutuk kaixa ualu,ne’ebé iha kada kaxa iha uniadede 23 to’o 24 mak iha laran, depois husi munisípiu sei koloka ba sentru saúde postu sira,” dehan Prezidnete Julio ba www.tempotimor.com iha ORS, Sesta (16/07).

Iha tempu hanesan diretór servísu saúde munisípiu Covalima, Filipe Perreira Lemos agradese ba parseiru Rotarcct Club ne’ebé iha inisiativa di’ak hodi apoiu materiál ba servísu saúde nian.

“Ha’u apresia no agradese tebes ba parseiru foun Rotaract Club iha Covalima ne’ebé ho voluntáriu apoiu ona fasilidade saúde nian ba Servísu Saúde Munisípiu Covalima (SSMC), ne’ebé ba oin kontinua halo kooperasaun servísu hodi apoiu malu,” nia informa.

Entertantu apoiu ne’ebé Rotaract Club oferese ba servísu saúde Covalima ne’e hetan ajudus husi Norte Austrália ne’ebé kompostu husi kaixa ualu.(*)

Related posts