Tempotimor (Covalima)-Ministra Saúde (MS) Odete Maria Freitas Belo ho nia ekipa halo ispesaun ba projetu konstrusaun uma ba médiku iha Aldeia Wetaba no Bazar iha fronteira postu integradu Tilomar ne’ebé utiliza ba kuarentina.
Iha vizita ne’e, ministra saúde eziji ba kompañia atu aselera prosesu kontruaun, nune’e kontinua projeitu seluk iha tinan Oin.
“Se bele hotu lalais ne’e para komesa ona ho projetu seluk tanba projetu barak, ne’ebé husu imi-nia apoiu ho servisu lalais, tanba hela fulan neen de’it ona, nune’e bele haree projetu seluk iha tinan 2022 nian,” dehan Ministra Odete ba jornalista sira iha Suai, Kinta (22/07).
Iha fatin hanesan diretór kompañia Figelato Unip. Lda, José da Cruz Henriques katak, prosesu kontrusaun sira ne’e atraza, tanba impaktu husi Estadu Emergensia (EE) no Serka sanitária (SS).
“Fulan marsu Covid-19 mosu, despaxu mós la mai, liu tiha abril nia laran mak fó informasaun mai, haruka ami hahu fali servisu, tamba durante ami hasoru problema mak Covid-19, dalan mós taka entaun ami mós la konsege hasoru diretór saúde munisípiu, ne’ebé servisu ne’e ami komesa fali iha fulan juñ tinan ne’e, eh ágora atinje ona 80%, ne’ebé hela de’it fulan neen atu remata,” katak nia.
Entertantu rehablitasaun ho bazar fronteira ne’e ho montante orsamntu rihun $129,595.17. Enkuantu uma ba médiku sira no konstrusaun bazar fronteira hamutuk rihun $198.000.00.(*)
