Tempotimor (Covalima)-Tuir Diretór Alfandega Pontu Entrada Salele, Munisípiu Covalima, Nuno Noguira katak, maske munisípiu Covalima aplika hela Serka Sanitária (SS), maibé laiha despaixu ruma husi Ministériu Interiór (MI) atu suspende atividade importasaun sasan iha fronteira.
“Covalima iha serka sanitaria maibé ita seidauk iha despaixu foun husi Ministériu Interiór depois ohin ha’u mós konfirma ona ho Komandante Imigrasaun ne’ebé ita manteim ho despaixu anteriór númeru 40 ne’e, sasan sira bele tama nafatin hanesan bai-bain,” dehan Diretór Alfandega ne’e horseik, (31/08).
Nia afirma, parte alfándega iha Covalima mantein ho despaxu númeru 40 husi Ministériu Interiór, tanba importasaun ba sembaku no materiál konstrusaun presiza tama nafatin.
“Sasan importadu sira hanesan Sembako no kontrusau kontinua tama, sidadaun mak la halo movimentu durante Covid-19 ne’e,, só sidadaun ne’ebé tama, tenke halo pedidu ba Ministériu Negósiu Estranjeiru no Kooperasaun (MNEK),” Nia dehan.
Entertantu fulan tolu liubá, kareta ne’ebé lori sasan sira hanesan sembako no materiál konstrusaun nian tama iha Timor-leste liuhusi pontu entrada Salele hamutuk 159.(*)
