Prizaun Suai Difikulta Transporte, MJ: Iha Ona Planu Atu Sosa

Ministru Justisa (MJ), Manuel Carceres ko'alia hela ho jornalista sira iha Palasiu Governu iha tempu balun ba kotuk. Foto Tempo Timor

Tempotimor (Covalima)-Tuir Diretór Prizaun Munisípiu Covalima, Julio Dias Ximenes katak, dadaun ne’e prizaun Suai difikulta tebes ba transporte hodi transporta dadur sira.

“Preokupasaun ba ami mak kona-ba transporte atu tula dadur sira iha prizaun Suai, tanba ne’e ha’u rekomenda ba ita-nia Ministru Justisa (MJ) atu bele haree kestaun sira ne’e,” dehan Diretór Prizaun Suai, Julio ba média sira hafoin hala’o hetan vizita husi MJ iha prizaun Suai, Kuarta (08/09).

Read More

Liga ba preokupasau ne’e Ministru Justisa, Manuel Cárceres afirma katak, Ministériu Justisa esforsu hela oinsa atu sosa tan kareta seluler tolu atu nune’e bele transporta dadur sira.

“Preokupasaun ne’e MJ agora ne’e esforsu hela atu sosa kareta tolu ba Prizaun sira, ne’ebé tinan ne’e ami esforsu tenke sosa kareta seluler ida, depois ami mós halo ona proposta ba tinan oin nian atu sosa tan kareta seluler rua, atu nune’e prizaun sira bele book aan diak ona ” dehan governante ne’e.

Entertantu MJ mós rekoñese katak, kareta seluler ne’ebé dadaun ne’e prizaun sira utiliza kleur ona, tanba ne’e nia promete sei esforsu hodi hola kareta seluler tolu ne’e hodi entrega ba prizaun tolu ne’e.(*)

Related posts