Vise-MEJD Presta Omenajem iha Monumentu Masakre Lactos

Vice MEJD, António Guterres ho ekipa hamutuk ho komunidade presta omenajem iha monumentu Lactos masakre Rai-Ulu 12 setembru 1999. Sesta (01/10). Foto Tempo Timor

Tempotimor (Covalima)-Vise Ministru Edukasaun Juventude no Desportu (MEJD), António Guterres hafoin halo kampaña vasinasaun kontra Covid-19 iha Suku Datotolu, aldeia Natardik, governante ne’e kontinua hakat ba suku Lactos postu Fohorem hodi presta omenajem iha monumentu masakre Rai-Ulu 12 setembru 1999.

Hafoin presta omenajem iha monumentu ne’e, vise ministru edukasaun ne’e dehan, suku Lactos hanesan zona mean (merah) iha tempu Funu ba libertasaun, tanba familia barak mate.

Read More

“Ohin ita ba kari aifunan iha monumentu ne’ebá, uluk tempu funu ba libertasaun ne’e, suku Lactos ne’e hanesan zona merah, tanba ita nia familia barak maka fakar ran,” dehan vise-MEJD ne’e iha Lactos, Sesta (01/10).

Iha fatin hanesan, administradór postu administrativu Fohorem, Carlos Carvalho de Araujo sente kontente ho prezensa vise MEJD, tanba bele presta ona omenajem ba monumentu masakre Rai-Ulu 12 de Setembru 1999 iha suku Lactos.

“Apresia tebes tanba ita-nia vise ministru hakat mai iha monumentu Masakre Rai-Ulu iha suku Lactos ida ne’e, tanba monumentu ne’e mós ho nia istória ne’ebé barak durante prosessu luta ukun rasik aan nian,” katak administradór.

Entertantu iha presta omenajem ba saudozu sira ne’e mak vise-MEJD akompaña husi ekipa saúde iha postu Fohorem inklui komunidade sira iha suku refere.(*)

Related posts