Profesór 90% iha EBC Ladi Simu Ona Vasina COVID-19

Vise-MEJD, Antonio Guterres hato'o hele nia diskursu hafoin hala'o kampana vasinasaun iha EBC Ladi, Suai. Kuarta (20/10). Foto Tempo Timor

Tempotimor (Covalima)-Vise Ministru Edukasaun Juventude no Desportu (MEJD), António Guterres apresia ba manorin sira iha Eskola Bázika Central (EBC) Ladi, tanba pursentu 90% mak simu ona vasina kontra COVID-19.

“Apresia tebes ba manorin na’in sira, tanba pursentu 90% mak simu ona vasinasaun, nomós estudante sira ho idade 18 ba leten iha munisipiu Covalima maioria mak simu ona vasina, ne’ebé di’ak tebes “luar biasa” dala ida tan agradese ba Covalimaoan sira iha konsiénsia ne’ebé maka’as tebes,” dehan Vise MEJD liuhusi nia diskursu bainhira hala’o kampaña vasinasaun iha EBC Ladi, postu administrativu Suai, Kuarta (20/10).

Read More

Governante ne’e mós husu profesór sira tenki iha kretivu no profesionál hodi hanorin alunus sira iha eskola hotu-hotu.

“Ohin profesór sira mak ezize atu aumenta profesór sira, maibé ágora ha’u mak ezize ita-boot sira, agora ha’u bolu direta alunus sira atu ko’alia ingles, maibé sira lahatene no moe, entaun profesór sira tenki iha kreativu hodi hanorin ita-nia oan sira, nune’e labele difikulta ba sira-nia futuru,” Nia husu.

Iha fatin hanesan Koordenadór EBC Ladi, Pedro Amaral mós aprezenta katak, estudante sira iha EBC Ladi ne’ebé kompleta ona tina 18 simu hotu ona vasina.

“Iha ne’e alunus ne’ebé tinan 18 ba leten simu hotu ona vasina, hela de’it mak sira ne’ebé idade seidauk to’o,” nia tenik.(*)

Related posts