Infrenta Transporte, PNTL Eskuadra Zumalai Susar Atua Problema

Tempotimor (Kovalima)-Kareta operasaun Polísia eskuadra Zumalai ne’ebé hetan dezastre iha loron 12 outobru 2021, iha Lepo postu Administrativu Zumalai to’o agora seidauk halo manutensaun nune’e difikulta tebes Polísia eskuadra Zumalai hodi kontroladu komunidade sira.

Tuir komandante eskuadra Zumalai, Inspetór Polísia António Soares katak, bainhira iha transporte maka susar atu haree problema ho lalais.

Read More

“Momentu akontesimentu dezastre kareta baku fila iha Lepo ne’ebá to’o agora seidauk hadi’a kareta. Agora dadaun kareta paradu hela ne’ebé momentu kareta baku fila ne’e ami hato’o kedas ba komandu munisípiu, depoia komandu munisípiu mós liga kedas ba Komandu Jerál, maibé resposta mak labele responde iha tempu badak, tanba transporte iha ne’ebá mós limitadu, ne’ebe komandu munisípiu dehan ba ami katak, iha 2022 mak atu aloka trasnporte mai ami,” dehan Inspetór ne’e ba www.tempotimor.com Sesta (12/11).

Komandante ne’e subliña, dadaun ne’e Polísia eskuadra Zumalai utiliza de’it motor hodi halo servisu no impresta ema nia kareta Grand Max hodi atua problema ne’ebé mak akontese iha Zumalai.

“Transporte laiha ne’e mak ami impresta ema-nia kareta hodi atua problema ne’ebé akontese iha semitériu Mali Seran konfrontu entre joven sira, ne’ebé ami persiza los transporte kareta, tanba problema akontese iha Zumalai ne’e sempre iha mate, ne’ebé ami persiza duni transporte, tanba área postu Zumalai luan tebes liu postu sira hotu,” entaun Zumalai mak akontese problema mak atraza, ne’e balun mate ona,” Katak Inspetór.

Maske transporte laiha, maibé komandante ne’e promete iha loron Natal sei la akontese problema iha postu Zumalai, tanba problema ne’ebé akontese iha fulan kotuk autoridade lokál sira rezolve ona.(*)

Related posts