Tempotimor (Kovalima)-Realsiona ho Sentru Komunidade Kovalima (CCC-sigla portugues) ne’ebé selebra loron nasionál feto Timor-Leste iha Kovalima ba dala-45, maka sekretáriu munisípiu Kovalima, Francisco de Jesus Alves mós reklama direitu mane nian tanba la’ós feto mesak vítima.
Francisco husu ba parte hothotu atu labele ko’alia de’it kona-ba feto mak sai vítima, maibé mane barak mós sofre ba hahalok feto nian iha parte fízika nomós parte pensamentu.
“Iha feto ida rua mós halo kontra hasoru mane feto sira kontra mane iha parte fízika, ida seluk pensamentu ba mane nia sentiumentu, dala ruma halo ami mane triste, labele buat hotu imi feto mak vítima, mais feto mós halo ami mane vítima,” dehan Francisco ba jornalista sira iha Suai, Tersa (30/11).
Iha biban hanesan xefe sesaun unidade polísia ba ema vunerável (VPU), Amelia de Jesus Amaral rekoñese durante ne’e, tanba kazu kontra violénsia kontra mane mós iha, maibé feto mak sai vítima barak liu i selebrasaun ne’e halo para oinsa hapara violénsia kontra feto ho labarik.
“Mane mós hetan violénsia duni husi feto, maibé feto ho labarik sira mak hetan violénsia barak liuhusi mane sira, tanba durante ne’e ami-nia haree iha munisípiu Kovalima,” katak Nia.
Entretantu selebrasaun loron nasional feto ne’e partisipa husi representante organizasaun feto sira iha Kovalima tantu husi Organizasaun la’ós govermentais (ONG) nomós Intituisaun Sivil no Seguransa.(*)
