Tempotimor (Kovalima)-Centro Nacional Chega (CNC) fasilita estudante Eskola Sekundária Jerál Públika (ESJP) Suai no Eskola Téknika Vokasionál (ESTV) Claret Salele hodi vizita fatin istóriku rezisténsia nasionál iha munisípiu Kovalima.
Diretór Ezekutivu CNC, Hugo Maria Fernandes katak, tinan 2021 ne’e Centro Nasional Chega (CNC) deside komemora loron Nasionál Memória iha Kovalima, tanba atu introduz memória ba jerasaun foun sira.
“Iha tinan 2021 ida ne’e CNC deside hodi halo komemorasaun Nasional Memoria ne’ebé maka monu iha (07/12/2021) iha munisípiu Kovalima ne’e hanesan maneira ida atu introduz memória pasadu ba ita-nia jerasaun foun sira. Ita hotu hatene katak loron ne’e husi nasaun Indonéza mai iha Timor-Leste, tanba munisípiu barak mak seidauk hatene istória pasadu sira ne’e” dehan Diretur Ezekutivu CNC, Hugo ba jornalista sira iha Kovalima, Tersa (07/12).
Diretur Ezekutivu CNC mos haktuir tanba CNC kopera ho Autoridade Municipal ho Eskola sira iha Kovalima deside hodi realiza aktividade ida ne’e iha Municipio Kovalima.
“CNC kopera ho Autoridade Munisipal ho Eskola sira iha Kovalima deside hodi Selebra loron Komemorasaun (07/2/21) ida ne’e iha Munisipiu Kovalima horseik ita rona ona sasin sira koalia kona ba memoria pasadu nian liu liu husi 1975 to’o 1999,” katak Hugo Maria Fernandes
Diretór ne’e afirma, programa ne’e realiza iha Kovalima, tanba CNC servisu hamutuk ho autoriedade munisípiu Kovalima.
“Ohin ita organiza ita bolu dehan Chega Tour hanesan partikularmente hodi fasilita estudante sira husi Suai vila to’o Salele ne’e hanesan dalan ida atu introduz memória pasadu sira ba jerasaun foun sira, entaun CNC realiza aktividade ida ne’e mós preokupasaun ida ne’e tanba ita-nia memória pasadu sira ne’e ladun hanorin iha eskola,” Nia hatete.
Entretantu dadaun ne’e CNC koopera ona ho Ministériu Edukasaun Juventude no Desportu (MEJD) elabora ona kuríkulum ba siénsia sosiál, kona-ba materia istória no direirus umanus ne’ebé CNC hato’o ona MEJD tinan 2022 para bele introduz istória sira ne’e iha kuríkulu hanorin nian.(*)
