Tempotimor (Covalima)-Tuir supervizór Eletrisidade Timor-Leste Empreza Públika (EDTL.EP), António Mali katak, iha munisípiu Covalima tomak, komuniadde sira iha suku hitu no aldeia 53 mak seidauk asesu ba liña eletricidade.
“To’o agora iha Covalima suku 7 ho aldea 53 mak seidauk asesu ba enérjia eletresidade,” dehan António ba jornalista sira iha nia knaar fatin, Kurta (29/12)
Fontes ne’e subliña, iha tinan 2022, EDTL,EP munisípiu Covalima sei halo tan instalasaun liña eletrsidade ba suku tolu husi suku hitu ne’evé seidauk asesu ba eltrsidade.
“Suku hitu ne’e iha tinan oin mai suku tolu mak bele hahú instalasaun enérjia eletrika, tanba tenderizasaun remata ona, i suku tolu ne’e mak hanesan suku Laktos iha postu Fohoren, suku Mape inklui Ucekai iha postu administrativu Zumalai no suku sira seluk ami seidauk rona informasaun,” tenik nia.
Supervizór ne’e salienta, EDTL,EP munisípiu Covalima espera hafoin halo instalasaun ba suku tolu ne,e iha tinan oin, eletresidade bele kobre ona suku 26 no hela de’it ona suku haat. Enkuantu bele kobre mós aldea 14 iha suku Laktos, Mape no Ucekai entaun hela aldea 36 mak seidauk bele asesu ba enérjia eletresidade.(*)
