Inísiu 2022, Denge Oho Ona Ema Rua Iha Covalima, 17 Pozitivu

Tempotimor (Covalima)-Diretór Servisu Saúde Munisípiu Covalima (SSMC), Filipe Perreira Lemos katak, munisípiu Covalima rejista ona ema na’in rua mak mate ba moras denge, tanba ne’e presiza halo limpeza hodi prevene moras ne’e.

“Agora ita iha postu Suai no postu Maucatar iha fulan janeiru nia laran ita regista ona ema na’in 17 mak pozitivu ba denge no na’in rua mak mate ona ba moras denge,” dehan Diretór SSMC, Filipe Pereira iha salaun administrasaun Covalima, Ohin (19/01).

Read More

Ho situasaun ne’e, diretór husu ba setorais no komunidade sira atu halo limpeza iha areadore uma nian, atu nune’e prevene fatin ba susuk atu moris.

“Ne’ebé husu ba ita boot sira tenke halo limpeza iha uma oin no kotuk nune’e bele prevene moras no ita halo limpeza nune’e bele hamate susuk moris no nia tolun sira,” tenik Nia.

Iha sorin seluk sekretáriu adminitrasaun munisípiu Covalima, Fransisco de Jesus Alves husu ba funsionáriu sira iha Covalima kontinua halo limpeza tuir oráriu ne’ebé husi munisípiu fó sai ona.

“Ba ita funsionáriu hotu husi setorais ne’ebé eziste iha Covalima kontinua halo limpeza tuir oráriu ne’ebé fó sai ona, nune’e bele halo moos liután, nune’e prevene moras denge, tanba foin fulan ida nia laran moras denge hamate ona ema no pozitivu ema na’in 17,” nia hateten.

Entertantu durante ne’e parte saúde munisípiu Covalima mós halo ona intervensaun ba moras denge liuhusi rega aimoruk susuk nian suku Debos no Maucatar , iha ne’ebé sei kontinua iha postu administrativu Maucatar laran.(*)

Related posts