Tempotimor (Covalima)-Xefe Programa Servisu Saúde Munisípiu Covalima, Agapito de Jesus husu ba komunidade Covalima atu labele hola aimoruk iha loja ka kios ki’ik sira tanba aimoruk sira ne’e bele lori perigu ba vida.
“Ba komunidade sira iha postu no suku aldeia sira labele hola aimoruk sira iha kios sira hanesan Paracetamol, Amoxicilin, Prometazin no seluk tan. Se moras mai konsulta iha sentru postu saúde ne’ebé besik ka konsulta iha ospital, tanba aimoruk barak fa’an iha kios ne’e halo ema barak mak aumenta moras,” dehan Agapitu de Jesus iha nia knaar fatin, Kinta (19/01).
Pesoál saúde ne’e afirma, informasaun ne’ebé parte saúde hatene no rona katak, aimoruk antibiótiku maioria eziste iha Timor -leste.
“Aimoruk antibiótiku ne’e eziste iha Timor-Leste, tanba ne’e Ministra Saúde bandu komunidade sira kompra aimoruk, se lae ema mear sosa mak aimoruk paracetamol sira ne’e mak fó hemu, tanba komunidade sira lahatene,t anba ne’e mak ita bandu,” nia dehan.
Liga ba kestaun ne’e, durante tempu barak mak komunidade sira kompra aimoruk iha kios no loja hodi konsumu.(*)
