Tempotimor (Covalima)-Koordenador Brigada Tratór Munisípiu Covalima, Tomás Amarál, informa, tinan tolu ona Ministériu Agrikultura no Peskas (MAP) la halo manutensaun ba tratór ne’ebé avaria.
“Tratór iha Covalima hamutuk 30, tratór 15 mak nia kondisaun diak ne’ebé hodi ajuda komunidade sira fila rai, 5 agora halo lelaun no 10 nia roda oin kotuk at durante tinan tolu ona,” dehan nia iha edifísiu samfuk, segunda (31/01).
Preokupasaun lolos mak roda, tasu no laher ne’ebé la halo manutensaun, pedidu kada tinan haruka hela de’it ba MAP, maibe to’o agora la iha responde.
“Ami esforsu aan mós la iha responde ne’e, atu halo nusa? ne’ebé durante ne’e, ami nia teknik sira mak modifika tun sa’e ne’e mak, balu sei aguenta, maibé roda atu hadi’a halo nusa? ne’ebé imi haree ho matan roda mak oin kotuk hakdasak hela ne’e,” Tenik nia
Entertantu, observasaun www.tempotimor.com iha terenu nota katak, kondisau roda tratór nian realidade aat hotu. (*)
