CNE Hala’o Edukasaun Sívika ba Membru GAM Tolu iha Covalima

Membru Grupu Arte Marsiais (GAM) husi IKS, KORK no PSHT partisipa iha edukasaun sivika ne'ebe realiza husi CNE Covalima iha salaun Uma Feto, Segunda (07/02). Foto Tempo Timor

Tempotimor (Covalima)-Komisaun Nasionál Eleisaun (CNE) nu’udar orgaun administrasaun independente ne’ebé haktuir konstituisaun RDTL iha alínea 6 artigu 65, ho nune’e CNE Covalima ho humilidade realiza formasaun ho tema “Promove esklaresimentu kona-ba aktu eleitorál no eleisaun ne’ebé rezilénte ho COVID-19” ba membro sira husi Grupu Arte Marsiais (GAM) KORK, IKS no PSHT.

Ba jornalista sira Komisáriu CNE ne’ebé destaka iha munisípiu Aileu no Covalima, Carlito Martins hatete, CNE realiza formasaun ba grupu arte marsiais sira kona-ba importánsia husi eleisain nian.

Read More

“CNE realiza formasaun kona-ba importánsia husi eleisaun nian ba grupu arte marsiais sira atu nune’e sira bele apar, hodi bele uza sira-nia direitu hodi partisipa iha vota, depois grupu arte marisiais komponentes ida iha paíz ida ne’e, entaun ne’e grupu ida ne’ebé poténsia tebes depois grupu ida ne’e mós iha eleitorál atu ba vota, tanba ne’e hakarak ka lakohi tenke konta ho sira tanba sira rekursu ida atu partisipa iha prosesu dezenvolvimentu,” dehan Carlito Martins ba jornalista sira iha salaun Uma Feto Covalima, Segunda (07/02).

Komisáriu ne’e subliña, formasaun refere foka liu ba orgaun administrasaun eleitorál, krime eleitorál, kampaña eleitorál no seliuk tan.

“Matéria ne’ebé sira hetan hanesan orgaun administrasaun eleitorál maka hanesan CNE ho STAE nia papel, depois krime eleitorál, no kampaña eleitorál no seluk tan,” katak Nia.

Entretantu Formasaun ne’e partisipa husi reprezentante administradór postu Suai, Agusto Borges, Komandante PNTL eskuadra postu Suai, Cecilia Amaral inklui koordenadór grupu arte marsiais hanesan KORK, IKS no PSHT inklui membru sira.(*)

Related posts