STAE Covalima Provizóriu Rejista Eleitores Rihun 47.961

Tempotimor (Covalima)-Tuir Diretór Sekretariadu Tékniku Administrasaun Eleitoral (STAE) Munisípiu Covalima, Francisco Gusmão katak, tuir dadus jerál iha munisípiu Covalima eleitores hamutuk rihun 47.961 mak sei ezerse direitu ba vota iha eleisaun prezidensiál ne’ebé sei akontese iha tinan ne’e.

“Agora ita nia eleitores ne’ebé iha Covalima ne’e hamutuk ema na’in rihun 47.961, kompostu husi mane na’in rihun 24.522 no feto na’in rihun 23.439. maibé ne’e provizóriu tanba seidauk iha lista publikasaun ba eleitores husi STAE nasionál” informa Diretó STAE Covalima, Francisco ba jornalista sira iha nia fatin, Tersa (08/02).

Read More

Nia haktuir, lista loloos ne’ebé sei hetan publikasaun husi STAE nasionál ne’e iha loron 17 fulan semana oin.

Númeru eleitores ne’ebé iha ne’e inklui ho resenseamentu eleitotal ne’ebé STAE halo juñu 2021 to’o janeiru 2021.

“Oras ne’e númeru eleitores foun seidauk aumenta, maibé iha ona ba elimina eleitores sira ne’ebé mate ona, ne’ebé agora dadaun ba eleisaun prezidensiál eleitór ne’ebé agora atu ba vota ne’e kompara ho eleisaun sira liu dadauk ona tinan ida ne’e boot liu,” dehan Nia.

Dadaun ne’e ekipa STAE ba iha suku sira atu haree filafali ba sira ne’ebé kartaun lakon no kartaun tohar, fó ba eleitor ida-idak atu nune’e fasilita sira bele tuir eleisaun.(*)

Related posts