Tempotimor (Covalima)-Komisaun Nasionál ba Eleisaun (CNE-sigla portugés) ho Sekretáriu Tékniku Administrasaun Eleitorál (STAE) hamutuk ho Autóridade sira halo ona distribuisaun urna ba sentru votasaun 82 no estasaun votasaun 90 iha Munisípiu Covalima.
Administradór Munisípiu Covalima, Fransisco de Andrade, hatete, materiál ne’ebé halo distribuisaun hetan seguransa maximu husi Polisia Nasionál Timor-Leste (PNTL).
“Materiál ne’ebé ohin distribui ba sentru votasaun ho diak no fila mós la’o diak, tanba seguransa iha PNTL sira nia liman, se de’it labele halo impedimentu ba eleisaun,” dehan nia iha Covalima, sesta (18/03).
Husu ba komunidade Covalima atu partisipa maximu iha eleisaun presidensiál hodi ezerse ida-ida nia direitu.
Nune’e, Diretór STAE Munisípiu Covalima, Francisco Gusmão mós argumenta ohin halo ona distribuisaun matérial sensitivu no non-sensitivu ba sentru vosaun iha Munisípiu Covalima laran tomak.
“Ohin ita distribui materi’al sensitivu no non-sensitivu ba postu administrativu hitu iha Covalima,” nia reforsa
Entertantu Komandante PNTL Munisípiu Covalima, Superintendente Basílio de Jesus fó ona orientasaun ba membru sira asegura maximu kada sentru votasaun iha Munisípiu Covalima. (*)
