Tempotimor (Dili)- Iha tersa semana ne’e, (12/01) dadeersan, mosu insidente eletrisidade soke mate sidadaun mane ida ho naran Dionísio de Jesus Amaral ho tinan 40, tanba hakarak instala rasik fiu eletrisidade iha nia uma rasik.
Kazu eletrisidade soke ne’e akontese iha aldeia Halimea, suku Lalawa, postu administrativu Tilomar, munisípiu Kovalima.
“Insidente eletrisidade soke mate ema mane ida iha área postu administrativu Tilomar, aldeia Halimea, suku Lalawa, tanba la kuidadu-aan, bainhira hadi’a ahi iha nia uma. Ne’e maka nia hetan asidente, ne’e maka eskluidu husi vítima ne’e rasik,” Portavós Komandu Jerál PNTL, Superintendente Xefe, Arnaldo de Araújo informa liuhusi konferénsia imprénsa iha Kaikoli, kinta (14/01).
Nia dehan, insidente rezulta vítima mate kedas iha fatin.
Matebian nu’udar profesór iha Eskola Téknika Profisionál Akar Laran, Munisípiu Kovalima.(*)
