Sidadaun Indonézia Ida Tama Ilegal iha Covalima, UPF-BOP Kaptura

  • Whatsapp

Tempotimor (Covalima)– Polísia Nasionál Timor-Leste (PNTL) liuhusi Unidade Polísia Fronteira (UPF) no Batallaun Orden Públika (BOP) kaptura sidadaun Indonézia ida iha Postu Administrativu Fatumea, Munisípiu Covalima.

Sidadaun Indonézia ne’e ho insiál HL tinan 47 husi Malaka, Betun. UPF no BOP kaptura sidadaun Indonézia ne’e iha Aldeia Aikakar, Suku Nanu, Postu Administrativu Fatumea.

Read More

Médiku Jerál Kuarentena Suai, João Travolta Lopes do Carmo, haktuir polísia iha fronteira kaptura sidadaun ne’e tanba tama territóriu Timor-Leste nian tanba laiha koñesimentu.

“UPF no BOP mak kaer no tiu ne’e mai buka nia karau tama mai liu iha área ita-nian, entau polísia sira kaer tiha. Telefone ami iha kuarantena, entaun ami ba ho ambulánsia ba foti iha postu Fatumea lori mai kuarentena hodi halo dezinfekta ba tiu ne’e né,” Médiku ne’e ko’alia hafoin UPF no BOP entrega ba kuarentena Suai, kinta (4/2) lokraik, oras Timor-Leste nian.

Médiku ne’e fó-sai katak, sei halo enkontru nune’e aban deporta sidadaun Indonézia ne’e.

“Aban, dadersan ami halo deportasaun tiu ne’e ba fali Indonézia tanba tiu la hatene duni liña fronteira entre Timor-Leste no Repúblika Indonézia nian,” dehan nia.

Sidadaun Timor Osidentár (Nusa Tenggara Timur), Indonézia ne’e sei iha kuarentena.

“Aban, dadeer ami Lori ona ba Indonézia,” tenik nia.(*)

Related posts