MS Transfere Pasiente Covid19 Husi Suai mai Vera-Kruz

  • Whatsapp
Pasiente Covid 19 hahu hakat sai husi Ospital Referal Suai atu sa'e ambulansia hodi tranfere ba sentru Saude iha Vera Cruz iha Kaikoli, Dili, sexta (5/2). Foto Espesial.
Pasiente Covid 19 hahu hakat sai husi Ospital Referal Suai atu sa'e ambulansia hodi tranfere ba sentru Saude iha Vera Cruz iha Kaikoli, Dili, sexta (5/2). Foto Espesial.

Tempotimor (Dili)-Ministériu Saúde relata ona ba públiku katak, hafoin sampel ne’ebé ekipa viizilánsia sentinela iha Covalima rekolla kona-ba sidadaun mane ida ho inisiál NA ne’ebé deskonfia pozitivu Covid-19, maka laboratóriu nasionál konfirma no pozitivu duni, nune’e iha tempu badak MS sei transfere pasiente refere ba sala Izolamentu Vera Cruz.

Tuir Koorenadora Pilar III Covid-19, Josefina Clarinha João katak, rezultadu teste nasionál ne’ebé konfirma mane ida ho inisial NA pozitivu Covid 19.

Read More

Nia afirma, antes ne’e laboratóriu Ospitál Referál Suai deteta mane ne’ebé moris iha loron 8/8/1992 ne’e deskonfia pozitivu Covid-19.

“Mane ida ne’ebé ho idade 29 iha 20 Janeiru 2021, sai husi Salele, Munisípiu Covalima ba Atambua Indonézia liuhusi dalan ilegal, iha 22 Janeiru nia deside fila mai Timór liuhusi Malaka no tama nafatin liuhusi dalan ilegál parte Salele nian,” dehan Koordenadora Josefina iha Kinta horseik liuhusi konferénsia imprensa, (4/2).

Koordenadora ne’e subliña iha loron 22 ne’e kedas Polísia Patrullamentu Fronteira (UPF) kaptura no lori ba submete iha kuarentena.

“Ohin 4 Fevereiru ekipa vijilánsia ba foti amostra swab, no rezultadu teste hatudu katak sidadaun ne’e pozitivu Covid-19. Dadauk ne’e ekipa prepara ona atu transporta mai sala izolamentu Vera Cruz, Dili,” katak Nia.
Iha kuarentena suai iha ema na’in 16 mak kumpri hela kuarentena, na’in 15 nu’udar ekipa serbisu hanesan médiku, enfermeiru, pesoál limpeza no seguransa.(*)

Related posts