Covid-19: EMC Husu Estudante Sira Estuda Iha Uma

Diretór Edukasaun Munisípiu Covalima (EMC) Edmundo Ferreira ko'alia hela ba www.tempotimor.com iha Covalima, sesta (07/05). Foto Tempo Timor

Tempotimor (Covalima)-Bazeia ba pandemia Covid-19 ne’ebé kontinua da’et ba timoroan sira, mak governu liuhusi Konsellu Ministru (KM) deside halo suspensaun ba atividade eskolár husi ensinu báziku to’o ensinu Superiór sira iha Timor-Leste liu-liu munisípiu sira ne’ebé aplika serka sanitária.

Ba situasaun ne’e, Diretór Edukasaun Munisípiu Covalima (EMC), Edmundo Ferreira katak, atividades eskola suspende, entaun estudante sira ladun preokupa ba estuda, maibé nafatin husu ba estudante sira atu estuda maske iha uma de’it.

Read More

“Atividade eskola para ne’e difikulta ba estudante sira, tanba ita haree estudante barak mak agora ladun preokupa ba eskola, tuir planu husi Ministériu Edukasaun katak, estuda iha uma ka liuhusi internet, maibe oinsa ho labarik sira ne’ebé eskola iha área rurál ne’ebé la asesu ba rede internet no estudante primária sira la kaer telefone, ida ne’e mós problema,” dehan diretór EMC Edmundo ba www.tempotimor.com iha nia servisu fatin, Sesta (7/5).

Nia afirma, serka sanitária diak, tanba atu prevene transmisaun lokál, maibé impaktu ba estudante sira iha munisipiu, maibé tuir despaixu Ministériu Edukasaun Juventude no Desportu (MEJD) katak, estudante sira feriadu (16/5/21), hafoin aprendisajem la’o normal fali, entaun edukasaun munisípiu nian hein de’it ordem husi nivél nasionál.

“Covid-19 reduz ona maka atividade aprendisajem iha munisípiu Covalima la’o fila fali iha fulan maiu, maibé numeru kazu mak aumenta mak kontinua feriadu, ne’ebé hein to’o dia 16 maiu 2021 mak ita rona fali rezultadu husi MEJD nasionál,” dehan Nia.

Entertantu diretór EMC mós dehan, tuir despaxu MEJD nian katak, estudante labele sai vítima ba pandemia Covid-19 liuhusi transmisaun lokál, tanba ne’e atividade eskola hotu suspende temporáriu.(*)

Related posts