SS Tranzitu Covalima Kontinua Halo Pasa Revista ba Motorizada

Pólisia Unidade Tranzitu Covalima ne'ebe halo hela pasa revista (cek point) iha área suai Villa kampu Barru. Foto Tempo Timor

Tempotimor (Covalima)-Atu identifika transporte no ema ne’ebé tama sai ilegál inklui redúz risku ba pandemia Covid-19, mak Polísia Nasionál Timor-Leste (PNTL) munisipiu Covalima liuhusi Unidade Tranzitu kontinua no aumenta frekuensia pasa ravista ba motorista sira.

Lia hirak ne’e hato’o husi komandante PNTL husi Unidade Tránzitu, sargentu xefe Patricio de Jesus  iha nia knaar fatin Suai, Tersa (11/5).

“Ami halo chek point para identifika transporte públiku hanesan motor no kareta ne’ebé laiha dokumentus, dokumentu ne’ebé mate ona no transporte ilegal sira inklui hodi bele redúz tramisaun Covid-19 iha munisípiu Covalima,” dehan Sarjentu xefe Patricio ba www.tempotimor.com iha nia knaar fatin Suai.

Sarjentu xefe ne’e afirma, iha pasa revista refere, PNTL liuhusi unidade tranzitu mós haree dokumentu relevante sira inklui kondisaun motor nian.

“Pasa revista ne’e ita haree mós kondisaun motor relasiona ho dokumentu sira, karik laiha ami tahan no tula ba edifísiu PNTL munisipiu Covalima,” tenik nia.

Entertantu husi  pasta ravista ne’e PNTL konsege prende motorizada 5, ne’ebé iha motorizada tolu sei selu multa no motorizada rua seluk dokumentus la kompletu. Nune’e husi janeiru to’o abril 2021, PNTL Munisípiu Covalima liuhusi unidade tranzitu halo ona aprensaun ba motorizada hamutuk 16.(*)

Notisia seluk