Prepara EP 2022, Covalimaoan 234 Pasa Iha SD ba Vaga STAE

Diretor STAE Munisipiu Covalima Cladiu Cardoso ko'ali hela ho www.twmpotimor.com iha nia servisu fatin, Kuarta (26/5). Foto Tempo Timor

Tempotimor (Covalima)-Relasiona ho preparasaun ba Eleisaun Prezidensiál (EP) ne’ebé sei realiza iha tinan 2022 maka Sekretáriu Tékniku Administrasaun Estatál (STAE) loke ona vaga ba Covalimaoan inklui munisipiu seluk hodi konkore, nune’e sai fiskaizadór ba eleisaun prezidensiál iha tinan oin.

Tuir Diretór STAE Munisipiu Covalima, Claudio Cardoso, sidadaun sira ne’ebé liu ona iha selesaun dokumentus hodi hakat ba faze ezame orál hamutuk na’in 234.

Read More

“Totál kandidatu ne’ebé mak passa ona iha selesau dokumentus hamutuk 234 no naran tana ona iha kuadu avizu. Ne’ebé iha tempu badak sei hakat ba faz ezame orál, depois sese mak liu, sei formasaun nune’e bele kontinua operadór sistema no pontu fokál inklui asistente operadór,” dehan Claudio ba www.tempotimor.com iha nia knaar fatin, Kuarta (26/).

Diretór STAE ne’e afirma, munisípiu Covalima sei kontinua halo rekrutamentu ba pesoál sira ne’ebé responsavel ba resensimentu eleitorál molok hakat ba eleisaun prezidensiál iha 2022.

“Munisípiu Covalima ita iha postu administrativu hitu, ne’ebé ba oin ita koloka kada postu administrativu ida ema nain tolu, ne’ebé iha tempu badak ita sei halo rekrutamentu hodi halo atendementu resensiamentu eleitorál iha postu administrativu ne’ebé ita iha hodi halo eleisaun prezidensiál ba tinan 2022 nian,” Informa Nia.(*)

Related posts