Tempotimor (Covalima)-Maske Timor-Leste aplika hela estadu emerjénsia (EE) no serka sanitária iha munisípiu sira tanba Covid-19, maibé servisu alfandega kontinua hala’o servisu, hodi atende sidadaun sira ne’ebé tama no sai husi teritóriu nasionál.
Tuir diretór Alfandega Munisipiu Covalima, Nuno Nogueira katak, husi fulan Fevreiru to’o Juñu 2021, alfándega hatama reseita hamutuk $62.882.021 dollar amerikanu ba kofre estadu.
“Taxa sira ne’e ita kobra husi importasaun ruti no sala extex no suaxtex nomós extra balu hanesan sansaun fó penalidade ba ita-nia emprezáriu sira ne’ebé hatama sasan, tamba antes ne’e ita aviza ona ba sira katak, sasan ne’ebé atu hatama mai ho presu ne’ebé loloos mak hatama mai, entaun sira hatama sasan mai la tuir kritéria, entaun ita fó sansaun ba sira tuir item no bazeia ba sistema ne’ebé iha,” dehan Diretór Alfandega Nuno iha nia knaar fatin, Kuarta (30/06).
Diretór ne’e subliña, alfandega fó lisensa ba trasnporte sira iha loron kuarta kada semana tuir despaxu nú. 40 Ministériu Interiór (MI) hodi trasnporta nesesidade báziku no materiál kontrusaun nian ba mai.
“Kada semana loron kuarta-feira ne’e ita aplika sasan mak tama mai hanesan materiál konstrusaun hanesan semente no seluk tan nomós nesesidade báziku hanesan fos, supermi no seluk tan. Depois ba sidadaun sira iha loron segunda-feira kada semana, Maibe durante ne’e laiha sidadaun ruma mak tama mai, tamba liga ho pandemia Covid-19,” hateten nia.(*)
