Tempotimor (Covalima)-Food and Agriculture Organization (FAO) fó sertifiadu apresiasaun ba extensionista na’in 37 ne’ebé kompostu husi Munisípiu Dili, Likisa, Bobonaro inklui Covalima ne’ebé durante loron tolu tuir formasaun kona-ba konservasaun agrikultura iha salaun Centru Joventude Covalima.
“Formasaun ohin loron ikus no rezultadu hatudu iha terrenu di’ak, ne’ebe sira na’in 37 simu hotu sertifikadu tanba durante loron tolu tuir formasaun to’o remata,” Dehan diretor advizór Delfin da Costa hafoin distribui sertifikadu ba extensionista sira iha CJC, Sesta (30/07).
Iha fatin hanesan extensionista Casmiro Lopes husi munisípiu Bobonaru, konsidera formasaun kona-ba konservasaun agrikultura ne’e di’ak, tanba ne’e agradese ba FAO ne’ebé fasilita ona durante loron tolu nia laran.
“Konservasaun agrikultura ne’e hanesan buat foun ida mai ami extensionista, oinsa ami bele kompriende didi’ak, hodi nune’e bainhira ami fila ba ami-nia munisípiu ami tenke halo buat ruma,” katak Nia.(*)
